"Реал" немис ҳимоячиси трансферини блоклади

Дортмунднинг «Боруссия» жамоаси марказий ҳимоячиси Нико Шлоттербек энди «Реал» таркибига қўшилмайди. Мадрид клуби немис футболчисини эҳтимолий янги трансфер сифатида кўриб чиқишни тўхтатган.

Журналист Марио Кортегана маълумотига кўра, «Реал» раҳбарияти Шлоттербек номзодини ўз режаларига киритмаётганини аниқ билдирган. Футболчи клубнинг қисқа рўйхати — асосий трансфер мақсадлари орасида эндиликда йўқ.

Шунга қарамай, мадридликлар ҳимоя чизиғини кучайтириш ниятидан қайтмаган. «Реал» ҳали ҳам янги ҳимоячи қидирмоқда ва клуб скаутлари бир нечта номзодларни диққат билан ўрганаётгани айтилмоқда.