"Реал Мадрид" ярим ҳимоячиси бугунги ўйинни жароҳат сабаб ўтказиб юборади

Мадриднинг "Реал" клуби ярим ҳимоячиси Орельен Тчуамени Испания чемпионати доирасида "Бетис"га қарши баҳсда жамоасига ёрдам бера олмайди.

Журналист Серхио Кирантенинг маълум қилишича, француз футболчиси чап оёқ болдир мушагидаги зўриқиш сабаб майдонга тушмайди. Шу боис, у бугунги учрашувни ўтказиб юборади.

Маълумот ўрнида, бугунги "Бетис" — "Реал" баҳси 00:00'да старт олади.

Эслатиб ўтамиз, Тчуамени жорий 2025/26 мавсумда барча мусобақаларда 45 та ўйинда қатнашиб, 2 та гол урди ва 2 та голли узатма амалга оширди.