Мадриднинг «Реал» клуби марказий ҳимоячиси Хоан Мартинесга «Валенсия» жамоаси жиддий қизиқиш билдирмоқда.
18 ёшли футболчи Испанияда энг истиқболли ёш ҳимоячилардан бири сифатида баҳоланади. Шунга қарамай, у ҳали асосий жамоа сафида дебют қилмаган, ҳозирча унинг барча ўйин амалиёти «Кастилья» таркибида тўпланмоқда.
Marca нашри хабарига кўра, «Валенсия» ёш испанияликни келаётган мавсум охиригача ижарага олиш режасини кўриб чиқмоқда.
Хоан Мартинес профессионал йўлини Валенсия шаҳрида жойлашган «Леванте» академиясида бошлаган. Ўтган мавсумда у «Реал»нинг иккинчи жамоаси сафида 33 та ўйинда майдонга тушиб, 3 та гол урди. Transfermarkt портали маълумотларига кўра, марказий ҳимоячининг бозор қиймати 5 миллион евро атрофида баҳоланмоқда.
Изоҳлар (0)
Ҳозирча изоҳлар йўқ