"Реал" ҳимоячисига Туркиядан таклиф тушди

"Реал" марказий ҳимоячиси Раул Асенсио ёзги трансфер ойнасида сотилиши мумкин. "Бешиктош" испаниялик футболчи билан шартнома имзолашга қизиқмоқда.

"Transfer News Live" нашрининг хабар беришича, турк клуби "қироллик клуби" академияси битирувчиси учун 20 миллион евро сарфлашга тайёрлигини билдирган. Аввалроқ Мадрид жамоаси футболчига умид боғламагани ва таклифларга очиқ эканлиги ҳақида хабар берилган эди.

"Transfermarkt" Раул Асенсионинг бозор қийматини 25 миллион еврога баҳоламоқда. Бу мавсумда 23 ёшли футболчи Мадрид жамоаси сафида 31 та ўйинда майдонга тушиб, иккита гол урган ва битта голли узатма берган.