Мадриднинг “Реал” клуби ёзги трансферлар ойнаси вақтида жамога “Челси”дан Энцо Фернандес олиб келиш бўйича иш олиб борилаётганини инкор қилиб, баёнот берган эди.
Аммо омма эътиборига ҳавола этилган трансферни рад этиш баёнотига қарамай, “Қироллик клуби” мутсаддилари ярим ҳимоячиси Энцо Фернандес вакиллари билан алоқа ўрнатган.
Бу ҳақда TEAMtalk хабар берди.
Манбага кўра, дастлабки мулоқотлардан кейин музокаралар давом этмаган. “Реал” раҳбарияти аргентиналик футболчини юқори баҳоласа-да, у энди клубнинг асосий трансфер мақсадлари қаторига кирмайди.
Шунингдек, “Манчестер Сити” ярим ҳимоячиси Родри ҳам мадридликлар учун реал трансфер варианти сифатида кўрилмаяпти.
25 ёшли Энцо Фернандес ўтган мавсум 54 та учрашувда иштирок этиб, 15 та гол ва 7 та голли узатма муаллифи бўлган.