“Реал”, “Барса” ва АПЛ грандлари Бразилия терма жамоаси ҳимоячисига жиддий қизиқишмоқда

Италиянинг "Рома" ва Бразилия терма жамоаси ҳимоячиси Уэсли бир қатор Европа клубларининг эътиборини тортди. Calciomercato.it нашрининг хабар беришича, футболчининг хизматига Испаниянинг "Барселона" ва Мадриднинг "Реал" клублари қизиқиш билдирмоқда.

Бундан ташқари, Англия Премьер-лигасининг "Арсенал", "Манчестер Сити", "Ньюкасл" ва "Тоттенхэм" клублари ўнг қанот ҳимоячисига даъвогарлик қилмоқда. Манбага кўра, ҳозирча ҳеч бир клуб футболчи учун расмий таклиф билдирмаган.

22 ёшли футболчи ўтган ёзда "Фламенго"дан "Рома"га ўтган эди. ОАВ маълумотларига кўра, трансфер суммаси 25 миллион еврони ташкил этган.