Мадриднинг “Реал” клуби ёзги трансферлар ойнаси даврида Бундеслигада иштирок этаётган “Штутгарт” ярим ҳимоячиси Чема Андресни ўз сафига қайтариш вариантини кўриб чиқяпти.
Marca нашрининг маълумотига кўра, мадридликлар ўз тарбияланувчисини ёзги трансфер ойнасида қайта сотиб олмоқчи. 20 ёшли футболчини 13,5 миллион еврога қайтариш имкони бор. Бу ўтган йили уни сотишда шартномага киритилган қайта сотиб олиш банди ҳисобланади.
Чема Андрес жорий мавсумда “Штутгарт” сафида 36 та ўйинда иштирок этиб, 3 та гол ва 2 та ассист қайд этган.
Transfermarkt экспертлари унинг бозор қийматини 15 миллион евро деб баҳоламоқда. У аввал “Реал” асосий жамоаси сафида 3 та ўйинда қатнашган.
Изоҳлар (0)
Ҳозирча изоҳлар йўқ