“Реал” Арбелоа ўрнига бир кунда тўртта номзод топди

Чемпионлар лигаси чорак финалида “Бавария”га енгилиб, турнирни эрта тарк этганидан кейин “Реал” раҳбарияти Альваро Арбелоа ўрнига янги бош мураббий танлашга киришди.

The Athletic нашри хабарига кўра, мадридликлар айни пайтда тўрт мутахассис номзодини кўриб чиқмоқда.

Клуб раҳбарияти Юрген Клопп номзодини юқори баҳоламоқда, аммо ҳозирча томонлар ўртасида ҳеч қандай алоқа йўқ.

“Реал” президенти Флорентино Перес Зинедин Зиданни ҳам қадрлайди, аммо у Франция терма жамоасини бошқаришга тайёргарлик кўрмоқда ва Мадридга қайтмоқчи эмас.

Шунингдек, “Реал” АҚШ терма жамоасини бошқараётган Маурисио Почеттино ва 2026 йилги жаҳон чемпионатидан кейин Франция термасини тарк этадиган Дидье Дешам номзодларини ҳам кўриб чиқмоқда.

Арбелоа “Реал”ни 2026 йилнинг январь ойида бошқаришни бошлаган. Унинг клуб билан шартномаси 2027 йил ёзигача амал қилади.