“Реал”: 220 миллион евро тўлаймиз, энди футболчини берасизларми?

Мадриднинг «Реал» клуби ҳали ҳам «Бавария» қанот ҳужумчиси Майкл Олисега жиддий қизиқиш билдирмоқда. Испания клубида француз вингерининг эҳтимолий трансфери 150 миллион евродан ортиқ маблағ талаб қилишини яхши тушунишмоқда. Бу ҳақда Marca нашри хабар берди.

Манба маълумотига кўра, мадридликлар Олисе учун 200 миллион евродан ортиқ маблағ тўлашга тайёр, аммо бу сумма 220 миллион евродан ошмайди.

Ўтган мавсумда ҳужумчи барча мусобақаларда 52 та учрашувда иштирок этиб, 22 та гол урди ва 31 та голли узатмани амалга оширди. Унинг «Бавария» билан амалдаги шартномаси 2029 йилгача мўлжалланган.

Transfermarkt портали футболчининг бозор қийматини 150 миллион евро деб баҳолаган.