Райан Гарсия ва Илия Топурия ўзаро жанжаллашиб кетди!

UFC чемпиони Илия Топурия куни кеча Алваро Колменерога берган интервьюсида таниқли боксчи Райан Гарсиянинг "даври ўтган"ини таъкидлади.

"Райан мен учун жуда қулай рақиб. Агар Гарсия билан жанг қилсам, ҳакамларнинг қароригача етиб бормай, уни синдираман. У ўз номини ҳайп асосида яратган, холос", - деди UFC юлдузи.

Шундан сўнг, мексикалик боксчи бу сўзларга ижтимоий тармоқлар орқали кескин жавоб қайтарди:

"Сен MMA учун жуда яхши "ударник"сан. Бироқ рингдаги тўқнашувимиздан кейин найча орқали овқатланишингга тўғри келади. Бошқаларнинг ишига аралашма. Мен ўз йўлимда, сен ўз йўлингда қол!"

Табиийки, ушбу гаплардан сўнг Илия ҳам жим турмади.

"Гарсия, сен фаолиятингдаги энг катта ғалабаларни стероидлар ёрдамида қўлга киритдинг. Лекин қизиқ, нега шунда ҳам ишончинг бунча баланд?" - дея киноя қилиб ўтди Топурия.