Райан Гарсия Конор Бенни нокаут қилади

Икки вазн тоифасида собиқ жаҳон чемпиони, ҳозирда эса бокс бўйича таниқли эксперт Пол Малиньяджи яқинлашиб келаётган ярим ўрта вазндаги титул жанги ҳақида гапирди.

"Менимча, Райан Гарсия Беннни нокаут қилади. Бу баҳс олти раунддан ортиқ давом этмайди, деб ўйлайман. Иккаласи ўртасида маҳорат ва куч жиҳатидан жуда катта фарқ бор. Конор ҳақида айтиляётган даражада кучли боксчи эмас.

Шу билан бирга, Райан учун бу тўқнашув — ўз сўзини қатъий айтиш, ўзини кўрсатиш учун ажойиб имконият, чунки у исми танилган рақибга қарши рингга кўтарилади. Бироқ менимча, бу рақиб у билан бир рингда туришга арзийдиган даражада эмас", — деди Малиньяджи.

Эслатиб ўтамиз, Райан Гарсия ва Конор Бенн ўртасида WBC камари учун жанг 12 сентябрь куни Лас-Вегас шаҳрида бўлиб ўтади.