Райан Гарсия жангга чақирди, Теофимо Лопес эса рад этмади, бироқ...

Ярим ўрта вазнда WBC чемпиони Райан Гарсия WBA камари соҳиби Теофимо Лопесни жангга чақиришдан тўхтаётгани йўқ. Икки ҳафта аввал Конор Бенни иккинчи раундда техник нокаутга учратган заҳоти Райан рингдаёқ Лопесга қарата "Кейингиси сенсан!" дея бақирганди. Гарсия ҳозир ҳам декабрда у билан жанг қилиш фикрида қатъий турибди.

Теофимо Лопес эса бу таклифни очиқчасига рад этмаяпти. Бироқ яқинда "Golden Boy Boxing" промоутерлик компанияси вакиллари билан учрашувдан сўнг унга ушбу баҳсни 2027 йил май ойига қолдириш таклифи берилгани маълум бўлди. Бундан ташқари, Лопесни октябрь ойида WBA томонидан тайинланган мажбурий рақиби — Жек Кэттераллга қарши тўқнашув кутмоқда.

Муттахассислар фикрича, Гарсия ва Лопес ўртасидаги қарама-қаршилик йилнинг энг йирик бокс воқеаларидан бирига айланиши мумкин. Чунки ҳар икки спортчи ҳам сўнгги пайтларда жуда фаол ва томошабоп жанглар ўтказмоқда. Шу билан бирга, Гарсиянинг Лопесдан ташқари ҳам бир қатор қизиқарли вариантлари бор: жумладан, Девин Хейни ёки Шакур Стивенсон билан эҳтимолий жанглар мухлислар эътиборини ўзига жалб қиляпти.