Рауль Асенсион 2,5 йилга қамалиши мумкин

The Athletic нашри маълумотига кўра, "Реал" тарбияланувчиси Раул Асенсиога ёш қиз иштирок этган, унинг розилигисиз ёзиб олинган интим видеони тарқатгани учун 2,5 йилгача қамоқ жазоси хавф солмоқда. Маълумотларга қараганда, футболчи ўша видеода қатнашмаган, ёзув унга танишлари орқали етказилган ва у файлни учинчи шахсга юборган.

У билан бирга суд олдида "Реал" ёшлар жамоасида бирга ўйнаган яна уч нафар собиқ жамоадоши ҳам жавобгарликка тортилади. Суд мажлислари 3, 4 ва 7 сентябрь кунларига белгиланган.

Прокуратура 23 ёшли футболчи учун икки ярим йил муддатга озодликдан маҳрум этиш жазосини сўрамоқда.

Асенсио билан бир қаторда «Реал» ёшлар академиясининг яна уч нафар собиқ футболчиси — Ферран Руис, Хуан Родригес ва Андрес Гарсия ҳам суд олдида жавоб беради.

Раул Асенсио Мадрид клуби академиясининг тарбияланувчиси ҳисобланади. У асосий жамоа сафида 80 та ўйин ўтказган, 2 та гол урган ва 3 та голли пас берган. Футболчининг "Реал" билан амалдаги шартномаси 2031 йил июн ойи охиригача мўлжалланган. Transfermarkt портали Асенсионинг трансфер қийматини 20 миллион евро атрофида баҳоламоқда, у ҳозирда 23 ёшда.