Расмий хабар: Халқаро Кураш Ассоциацияси Президенти истеъфога чиқди

IKA Президенти Ҳаидер Фарман оилавий ҳамда бошқа иш мажбуриятлари сабабли Халқаро Кураш Ассоциацияси Президенти лавозимидан расман истеъфо берди.

У ўзининг истеъфо хатида IKA Бошқарув қўмитаси ҳамда бутун Дунё Кураш оиласига фаолияти давомида билдирилган ишонч ва ҳамкорлик учун миннатдорлик билдирди. Шунингдек, унинг раҳбарлиги даврида Кураш спортини халқаро миқёсда ривожлантириш, оммалаштириш ва ташкилот салоҳиятини мустаҳкамлаш йўлида амалга оширилган ишларни алоҳида қайд этди.

IKA Уставига мувофиқ, IKA Биринчи вице-президенти Зиёвиддин Ҳоджиниязовнинг зиммасига  вақтинчалик Президент вазифасини бажарувчи (Acting President) ваколати юклатилди. 

У навбатдаги IKA Конгрессгача, президентликнинг қолган муддати доирасида ташкилотни бошқаради. Мазкур Конгрессда ташкилотнинг кейинги раҳбарияти масаласи аъзолар томонидан кўриб чиқилади.

Халқаро Кураш Ассоциацияси Ҳаидер Фарманинг Кураш спорти ривожига қўшган ҳиссасини юксак баҳолаб, унинг хизматларини миннатдорлик билан эътироф этади ва келгуси фаолиятида муваффақият тилайди.