Расман: Рубин Хебай Coca-Cola Суперлиганинг энг яхши футболчиси!
- 10-январ 2024, 14:20
- Shuhratbek Jo’rayev
- 2
- Футбол
ЎзПФЛ “Суперлига-2023”нинг энг яхши футболчисини эълон қилди. Унга кўра, “Андижон”нинг албаниялик тўпурар ҳужумчиси Рубин Хебай расман ўтган мавсумнинг энг яхши футболчисига айланди.
“Андижон” легионери Суперлигадаги дебют мавсумидаёқ юлдузга айланди. Ўз ўйини ва голлари билан барчанинг эътиборини қозонди.
Хебай 2023 йилги мавсумда “Андижон” сафида ҳаммаси бўлиб 27 та учрашувда ўйнади. Майдонда эса 2138 дақиқани ўтказди ва ўз ҳисобига 14 та гол ёздирди.
Хебай тўпурарлар баҳсида Драган Черандан сўнг иккинчи ўринни эгаллади ва табиийки, клубининг энг яхши тўпурари ва футболчи номига сазовор бўлди.
Айтиш керакки, миллий чемпионатимизда энг яхши футболчига айланган илк албаниялик ўйинчига айланди.
Изоҳлар (0)
Ҳозирча изоҳлар йўқ