Расман! "Пахтакор" Ироқ миллий терма жамоаси сардорини ўз сафига қўшиб олди

Тошкентнинг "Пахтакор" жамоаси трансферларни бошлади.

"Ироқ терма жамоаси аъзоси клубимиз билан 1+1 кўринишида шартномага имзо чекди. 27 ёшли ярим ҳимоячи клублар ва миллий терма жамоада 100дан ортиқ халқаро учрашувларда майдонга тушган. Фаолияти давомида Ироқнинг "Ал Қува Ал Жавия", Эроннинг "Персеполис", Қатарнинг "Қатар" СК ва "Маркия" клубларида ўйнаган. Ироқ ва Эрон чемпиони бўлган Ресан ОФК Кубогида ғолиб бўлиб, Осиё Чемпионлар Лигасида икки бор финалга чиққан. Ироқ терма жамоаси сафида 56 ўйинда 4 гол муаллифига айланган.

Башар Ресан янги мураббий Педру Морейра бошчилигида "Пахтакор"нинг биринчи хариди бўлди. Ресаннинг "Шерлар" сафидаги фаолиятига омад ва кўплаб совринлар тилаб қоламиз. "Пахтакор"га хуш келибсан, Башар!

3 январь куни Туркиянинг Анталия шаҳрида йиғин бошлайдиган жамоамиздан янада кўпроғини кутинг", - дейилади клуби матбуоти хабарида.