Расман! "Каттақўрғон"га россиялик мутахассис бош мураббий этиб тайинланди

Про лига вакили ҳисобланган "Каттақўрғон" жамоасида бош мураббий ўзгарди. Янги мавсумга Ёрқин Назаров бош мураббийлигида киришган жамоада энди бошқа мутахассис - россиялик Юрий Уткулбаев иш олиб боради. Шу тариқа, Назаров истеъфога чиқарилди. 

Клуб матбуот хизмати янги мураббий борасидаги расмий хабарни шундай эълон қилди:

"Каттақўрғон" раҳбарияти россиялик тажрибали мутахассис билан келишувга эришди. Жамоа мухлисларига бош мураббий вазифасини эндиликда Юрий Уткулбаев бажаришини маълум қиламиз.

Карьерасининг катта қисми Қозоннинг "Рубин" клуби билан боғлиқ бўлган мутахассис 2016 йилни Қозоғистон чемпионатида ("Актобе" устози сифатида) ўтказган эди. Шунингдек, у "Нефтехимик" ва КАМАЗ жамоалари тизимида ҳам ишлаган.

Юрий Анваровичнинг "Каттақўрғон"даги фаолиятига омад ва зафарлар тилаб қоламиз", - дейилади хабарда.

Эслатиб ўтамиз, бугун Юрий Уткулбаев "Каттақўрғон" бош мураббийи сифатидаги дебют ўйинини Ўзбекистон Кубоги доирасида "Пахтакор"га қарши ўтказади.