Расман! Дастан Сатпаев “Челси”дан бошқа клубга ўтди
- 15-август, 07:50
- Zohir Toshxo’jayev
- 0
- Футбол
“Бёрнли” қозоғистонлик 18 ёшли ҳужумчи Дастан Сатпаевнинг “Челси”дан 2026/2027 йилги мавсум охиригача ижара асосида клубга ўтганини эълон қилди.
- “Бёрнли” Қозоғистон миллий терма жамоаси футболчиси Дастан Сатпаевнинг “Челси”дан бир йиллик ижара шартномаси асосида клубга ўтганини мамнуният билан эълон қилади. Катталар терма жамоаси сафида аллақачон тўққизта ўйин ўтказиб, битта гол урган 18 ёшли ҳужумчи “Тёрф Мур”га миллий чемпионатдаги 63 та ўйинда 27 та гол урган ҳолда келмоқда.
2025 йил Сатпаев учун алоҳида йил бўлди. Март ойида у илк бор миллий терма жамоага чақирилди ва Кюрасаога қарши ўртоқлик учрашувида дебют қилди. Шу тариқа у миллий терма жамоаси тарихидаги энг ёш футболчига айланди.
Ўша йилнинг ўзида у яна бошқа ютуқларга ҳам эришди. Сатпаев УЕФА Чемпионлар лигасида “Реал” ва “Интер” каби жамоаларга қарши ўйин ўтказган энг ёш қозоғистонлик футболчига айланди. Шунингдек, ўтган йилнинг ноябрь ойида “Копенгаген”га қарши баҳсда Чемпионлар лигасидаги илк голини урди.
Бу ёзда Сатпаевнинг “Қайрат”даги тўққиз йиллик фаолияти якунланди. У июль ойида “Челси”га ўтди, у ерда Хаби Алонсо жамоасининг Австралия бўйлаб мавсумолди сафарида иштирок этди ва “Вестерн Сидней”га қарши ўйинда гол урди, - дейилади “Бёрнли” расмий сайтидаги хабарда.
“Бёрнли” 2025/2026 йилги Англия Премьер-лигаси мавсуни якунларига кўра, турнир жадвалида 19-ўринни, яъни охиридан иккинчи ўринни эгаллаб, Англия чемпионатининг олий дивизионини тарк этди.