Расман! "Бешиктош" Сантушни ўз лавозимидан озод қилди

2024 йилнинг январида "Бешиктош" португалиялик мутахассис Фернандо Сантушни ўзининг янги мураббийи этиб тайинлади. Орадан 4 ой ўтиб, Туркия клуби у билан хайрлашганини эълон қилмоқда. 

Сантуш келганидан кейин "Бешиктош" кетма-кет ғалабаларни қўлга киритаётганди. Аммо ҳозир ундай эмас. Жамоа сўнгги марта расмий ўйинларда 28 февраль куни "Коньяспор"га қарши баҳсда зафар қучди. Шундан кейин 3 марта мағлубият учраб, 2 бора дуранг ўйнади. 

69 ёшли Фернандонинг кейинги фаолияти ҳозирча номаълум. Истанбулликларни эса мавсум охиригача ёрдамчи мураббий бўлиб ишлаётган Сердар Топратепе бошқаради.