Расман: Алиреза Фироузжа "Super Chess Classic Romania 2026" турнирини тарк этди
- 20-май, 14:54
- Bilolbek Imomov
- 0
- Шахмат
"Grand Chess Tour" ташкилотчилари франциялик гроссмейстер Алиреза Фироузжа жароҳати сабабли турнирни муддатидан олдин тарк этганини эълон қилди.
"Афсуски, турнир давомида олган тўпиқ жароҳатим туфайли мусобақадан чиқиб кетишга қарор қилдим. Ташкилотчиларга қўллаб-қувватлагани ва яратилган шароитлар учун миннатдорчилик билдираман, шунингдек, ўйинларимни кузатган барчага раҳмат. Турнир қатнашчилари ва ташкилотчиларга омад тилайман", — дейди Алиреза.
GCT ташкилотчилари ҳам ўз навбатида жароҳат олганига қарамай курашганлиги учун Алирезага миннатдорчилик билдириб, тезроқ соғайиб кетишини тилашди.
Маълумот учун, Фироузжа турнирда 9 та партиядан 5 тасини ўйнаб улгурган эди. Унинг қайд этган натижалари жадвалда сақланиб қолади.
Қоидаларга кўра, Кеймер, Жорден, Со ва Даниэл Деаc'га эса Алиреза билан ўйнамайдиган бўлишгани учун техник ғалаба ёзилиши керак. Аммо бу маълумот ҳали расман тасдиқланмади.
Суннатова Дилнура