Раньери "Интер"га қарши асосий таркибга Шомуродовни киритадими?

Клаудио Раньери "Интер"га қарши ўйин олдидан жамоа таркибига баъзи ўзгартиришлар киритишни режалаштирмоқда. Тажрибали мураббий "Рома" ҳужум чизиғини ўзгартириш ҳақида ўйламоқда.

"La Gazzetta dello Sport" нашрининг хабар беришича, якшанба куни Шомуродов-Довбик жуфтлиги асосий таркибда майдонга тушиши мумкин.

Умумий ҳисобда, бу икки ҳужумчи жорий мавсумда "Эмполи", "Монца", "Болонья", "Удинезе", "Наполи", "Лечче", "Ювентус", "Лацио" ва "Верона"га қарши жами 194 дақиқа бирга ўйнашди. Бу учрашувларнинг барчасида "Рома" камбек амалга оширган ҳолда ёки ғалабани сақлаб қолиб ўйинни якунлади.