Профессионал фаолиятининг бошида “Севилья”да ўйнаб, кейинчалик “Реал”да узоқ муддат тўп сурган Серхио Рамос яқин ўтмишда икки мавсум “Пари Сен-Жермен” шарафини ҳам ҳимоя қилган эди.
Париждан кейин 39 ёшли футболчи қисқа муддат “Севилья”га қайтди ва 2025 йилнинг кузида Мексикага бориб “Монтеррей” клубида ўйнаб келди.
Ҳоизр тажрибали ҳимоячи ўзига жамоа қидиряпти. Агентлар Европанинг бир неча клубларига унинг хизматини таклиф қилишди. Ўртамиёна жамоалар эса, у билан ҳамкорлик ўрнатишга ҳарака қиляпти.
Серхио Рамосни ўз таркибига қўшиб олмоқчи бўлаётган жамоалар қаторига Франция юқори дивизиони дебютанти “Париж” клуби ҳам қўшилди.
Бу ҳақда Footmercato нашри хабар бермоқда. Манбага кўра, “Париж” Рамосга бўлган қизиқишни унинг “Ницца” билан музокаралари барбод бўлганидан сўнг кучайтирган. Таъкидланишича, испаниялик футболчи пойтахт клубининг лойиҳасига унчалик ишонмаяпти ва “янада шижоатли” жамоалар вариантига мойил. Шу боис, ҳали якуний жавобни бергани йўқ.
Серхио Рамос Испания терма жамоасида энг кўп ўйин ўтказган футболчи сифатида рекордга эга.