Рафинья гол уриш бўйича 127 йиллик рекордни янгилади
- 20-сентябр, 10:35
- Zohir Toshxo’jayev
- 0
- Футбол
«Барселона» футболчиси Рафинья мавсум бошидаги дастлабки саккизта ўйинда натижадорлик бўйича каталонияликлар клуби рекордини ўрнатди.
Бу Ла Лиганинг 7-туридан ўрин олган «Севилья»га қарши учрашувда содир бўлди. «Барселона» 3:1 ҳисобида ғалаба қозонди, Рафинья эса хет-трик қайд этди. Учрашув Испаниянинг Севилья шаҳридаги «Рамон Санчес Писхуан» стадионида бўлиб ўтди. Бош ҳакам вазифасини Аликантелик Хуан Мартинес Мунуэра бажарди.
Футболчи Ла Лиганинг етти учрашувида 12 та гол урди. Шунингдек, Чемпионлар лигаси умумий босқичининг 1-турида «Фейеноорд»га қарши ўйинда (5:1) яна икки марта гол урди.
«Барселона» тарихида 1899 йилдан буён бирор футболчи мавсумнинг дастлабки саккизта ўйинида бундай натижадорлик кўрсатмаган.
Рафинья 2022 йилдан буён «Барселона» шарафини ҳимоя қилиб келмоқда. Футболчининг клуб билан амалдаги шартномаси 2028 йил ёзига қадар мўлжалланган.