Қозоғистонлик боксчи вакант қолган чемпионлик камари учун жанг қилади

Иккинчи ўрта вазнда вакант қолган  WBO чемпионлик камари учун жанг январь ойида Данияда ўтказилади. Рингга ўрта вазн собиқ чемпиони Жанибек Алимханули (17-0, 12 КО) ҳамда ташкилот рейтингида учинчи ўринни эгаллаб турган даниялик боксчи Якоб Банк (20-0, 11 КО) кўтарилади. Бу ҳақда Даниянинг "Primetime Promotions" ва "Goldstar Promotions" промоутерлик компаниялари маълум қилди. Жанг санаси ва ўтказиладиган аренанинг аниқ номи кейинроқ хабар берилади.

"Бу, шубҳасиз, компаниямиз тарихидаги энг муҳим кунлардан бири. Биз "Goldstar Promotions" билан биргаликда ушбу жангни айнан Данияда ташкил этиш учун жуда катта иш қилдик ва ниҳоят бунга эришдик. "Top Rank" компанияси билан самарали музокаралар ўтказдик ва жараёнда иштирок этган барча томонларнинг юқори даражадаги профессионал ёндашувини юксак қадрлаймиз", — дейилади "Primetime" тарқатган расмий баёнотда.