Қозоғистон чемпионати. "Ҳумо" йирик ҳисобдаги ғалабани тантана қилди

Қозоғистон чемпионати навбатдаги туридан ўрин олган учрашувни "Ҳумо" хоккей клуби меҳмонда ўтказди.

"Қанотлилар"га бу сафар "Актобе" жамоаси рақиблик қилди. Беллашув вакилларимизнинг 4:1 ҳисобидаги ғалабаси билан ниҳоясига етди.

Тошкентликлар таркибида Кириллов, Кравченко, Рехтин ва Журавлёв томонидан киритилган шайбаларга қозоғистонликлар сафида Акишин бир маротаба жавоб қайтарди.