"Қўқон-1912" трансфер ойнаси ёпилаётганида янги ҳужумчини олди

Қишки трансфер ойнасининг сўнгги кунида "Қўқон-1912" жамоаси навбатдаги футболчи билан келишувга эришди. Бу ҳақида клуб матбуот хизмати хабар берди.

Жамоага кот-дʻИвуарлик ҳужумчи Амед Кобена келиб қўшилди. Келишув бир йилга мўлжалланган бўлиб, ҳужумчининг сўнгги жамоаси Хитойнинг "Дандонг Тенгюе" клуби ҳисобланади.

Ҳужумчи 1997 йилда туғилган. Кобена фаолияти давомида Хитойдан ташқари, Оман ва Кот-дʻИвуар чемпионатларида ҳам фаолият олиб борган.

Ушбу легионернинг маълумоти билан қизиққанимизда гол ургани ҳақида очиқланмаган. Қолаверса, ўтган мавсумни у бирор клубда ўтказмаган.