Қизнинг ўлимида фақатгина Фрэнсис Нганну айбдор эмас, янги тафсилотлар маълум бўлмоқда

2025 йил апрель ойи охирида оғир вазн тоифасида UFC собиқ чемпиони Фрэнсис Нганну мотоциклда уриб кетган 17 ёшли Нтсаму Бриджитнинг ўлими ҳақида янги тафсилотлар маълум бўлди.

Яунде Олий суди қизнинг ўлимида нафақат Нганну, балки шифокорлар ҳам айбдор эканлиги ҳақида очиқчасига расмий пресс-релиз эълон қилди.

"Нтсаму Мануэлла хонимни шифохонада парваришлаш вақтида жиддий тиббий хатолик юз берган, яъни анестезиканинг ҳаддан ташқари дозаси юборилгани унинг ўлимига бевосита сабаб бўлган. Биз шифохона ва тиббиёт ходимларидан ростгўй бўлишни талаб қиламиз" - дейилади баёнотда.