"Қизилқум" бош мураббийи: "Бизга омад етишмади"

Ўзбекистон Суперлигаси 14-туридан ўрин олган “Қизилқум” – “Навбаҳор” (1:2) учрашувидан сўнг мезбонлар бош мураббийи Шавкат Саидов ўз фикрларини билдириб ўтди.

“Афсуски, мухлисларни хурсанд қила олмадик. Футболчиларга ҳам ўз миннатдорчилигимни билдираман. Бизга бугун омад етишмади.

Иккинчи бўлимда Кенжабоев сариқ карточка олишидан қўрқдик. Унинг ҳисобида учта карточка бор. Келгуси турда бизни “Бухоро”га қарши муҳим учрашув кутиб турибди. Шу сабабли биз уни асрашга ҳаракат қилдик.

Янги футболчилар кўрсатган ўйиндан қониқиш ҳосил қилдим. Умуман олганда, беллашув қизиқарли ўтди.

Биринчи бўлимда кўплаб имкониятлар яратдик, аммо улардан фойдалана олмадик. Шогирдларим яхши ҳаракат қилишди. Юқорида таъкидлаганимдек, бизга омад етишмади.

Симоновски жамоанинг асосий ҳужумчиси сифатида қоладими ёки йўқ, буни вақт кўрсатади. Бироқ ҳозирча у “Қизилқум”нинг ҳужумдаги асосий фигураси”, – деди Саидов.

ЎзПФЛ матбуот хизмати