Қимматбаҳо ҳужумчи жамоасида қоладиган бўлди
- 30-июл, 08:32
- Zohir Toshxo’jayev
- 0
- Футбол
Англия Премьер-лигасининг энг бадавлат клубларидан ҳисобланган “Ньюкасл” германиялик ҳужумчи Ник Вольтемаде билан бу ёз хайрлашишни режалаштирмаяпти.
Форварднинг ўзи ҳам жамоасини ўзгартириш ниятида эмас.
Вольтемаде бир йил аввал “Штутгарт”дан 69 миллион фунт эвазига келган ва Александер Исакнинг ўрнини босган эди. Кейинчалик у ярим ҳимояда ҳам ўйнашига тўғри келган.
Ник ўтган мавсумнинг иккинчи ярмини унчалик ишончли ўтказмагани сабабли унинг кетиши ҳақида турли миш-мишлар пайдо бўлди.
Яқинда ижтимоий тармоқларда “Ньюкасл” янги мавсумда ҳужумда Уильям Осула ва Йоан Виссани асосий танлов сифатида кўраётгани, Вольтемадега эса ижарага кетишга рухсат берилгани ҳақида хабарлар тарқалди.
Бироқ Sky Sport Germany нашри футболчининг агенти Данни Бахманнга таяниб, бу маълумотларни рад этди.
Аслида “Ньюкасл” спорт директори Росс Уилсон Вольтемадени қўйиб юбориш ниятида эмас ва унинг мухлиси ҳисобланади. Футболчининг ўзи ҳам клубни тарк этишни истамаяпти.