"Қайрат" ЕЧЛдаги иштироки учун қанча даромад топди?
- 4-феврал, 20:03
- Muhammadqodir Ruzmatov
- 0
- Футбол
"Қайрат" раҳбари Қайрат Боранбаев клубнинг Чемпионлар лигасидаги иштироки бўйича молиявий натижаларни ошкор қилди.
Унинг сўзларига кўра, еврокубок кампанияси Олмаота клуби учун нафақат спорт нуқтаи назаридан тарихий, балки молиявий жиҳатдан ҳам жуда фойдали бўлди.
"Агар Чемпионлар лигасининг бутун цикли бўйича гапирадиган бўлсак, умумий даромад тахминан 35 миллион еврога тенг бўлади. Бунга УЕФАдан тўловлар, ҳомийлик шартномалари ва чипталар сотувидан тушган маблағлар киради.
Миллий валютага ҳисоблаганда, тахминан 21 миллиард тенге ҳақида гап кетмоқда. Бу Қозоғистон клуб футболи тарихидаги энг йирик молиявий кўрсаткичлардан биридир", — деди Боранбаев.
Маълумот учун, жамоа Европа қитъасининг энг нуфузли мусобақасидаги ўз юришини гуруҳ босқичида тўхтатди.