Қатар терма жамоаси "Жаҳон чемпионати–2026"нинг "B" гуруҳидаги илк ўйинида Швейцарияга қарши майдонга тушди ва дурангга рози бўлди — 1:1. Шу тариқа яқин шарқликлар ўз тарихида илк бор жаҳон чемпионатларида очко қўлга киритди.
АҚШ, Канада ва Мексика мезбонлик қилаётган бу чемпионат олдидан Қатар терма жамоаси жаҳон биринчилигида фақат бир марта иштирок этган эди. 2022 йилда Қатар мусобақага мезбон сифатида тўғридан-тўғри йўлланма олганди.
Бугунги беллашувдан сўнг Қатар ва Швейцариянинг ҳар бири бир очкодан жамғарди. Турнир жадвалида Швейцария ҳозирча биринчи, Қатар эса учинчи ўринни эгаллаб турибди. Канада ҳамда Босния ва Герцеговина ҳам бир очкоданга эга: канадаликлар иккинчи, боснияликлар тўртинчи поғонада жойлашган.
2-турда Қатар терма жамоаси 19 июнь куни Канадага қарши ўйнайди. 3-турда эса 24 июнь санасида Босния ва Герцеговинага қарши майдонга тушади. Швейцария 2-турда 18 июнда Босния ва Герцеговинага қарши, 3-турда эса 24 июнда Канадага қарши баҳс олиб боради.