“Қария” Левандовски янги клубида “даҳшат” маош олади

“Барселона”да билан Испания чемпионлигини қўлга киритгач, ҳамкорликни тўхтатган 37 ёшли Роберт Левандовски фаолиятини АҚШда давом эттирадиган бўлди.

Польшалик ҳужумчи “Чикаго Файр” клуби билан 2028 йилгача бўлган шартнома имзолайди. Битим яна бир мавсумга узайтириш имкониятини ҳам ўз ичига олади.

Бу ҳақда Sport.es сайти Польшанинг Prawda Futbolu порталига таяниб хабар берди.

Манба маълумотига кўра, ҳужумчи йилига 15 миллион евро кафолатланган маош олади. Бундан ташқари, спорт натижаларига қараб яна 5 миллион евро бонус ишлаб топиши мумкин.

Левандовскининг яқинлари “Чикаго Файр”нинг қатъиятидан ҳайратланган. Клуб футболчи ва унинг оиласи учун тўлиқ ҳаёт режасини тақдим этган.

Жамоа яшаш жойи ва фарзандлари учун мактаб масалаларини ҳам ҳал қилиб беради. Америка клубининг таклифи футболчини Саудия Арабистонидан келган вариантларни рад этишга кўндирган.