ПСЖ ва “Бавария” биргаликда рекорд ўрнатди

ПСЖ ва “Бавария” ўртасидаги Чемпионлар лигаси ярим финал баҳсида (5:4) жамоалар жами тўққизта гол урди.

Бу мусобақа тарихида илк бор ушбу босқичнинг бир учрашувида клублар тўққизта тўп киритган ҳолат бўлди.

Бу ҳақда Opta хабар берди.

Қайд этилишича, 1959-1960 йилги Европа чемпионлар кубоги ярим финалида “Айнтрахт” футболчилари “Рейнжерс”ни 6:3 ҳисобида мағлуб этган, аммо ўша пайтда мусобақа бошқача форматда ўтказилган эди.

Энди мусобақанинг амалдаги чемпиони “Пари Сен-Жермен” яна финалга чиқиши учун Мюнхенда ўтказиладиган жавоб ўйинида дуранг натижани ушлаб қолиши кифоя қилади.

“Бавария” бош мураббийи Венсан Компани эса, жавоб ўйинида жамоаси ғалаба қозониб, вазиятни ўнглай олишига ишонч билдирди.