"Лилль" клуби форварди Николя Пепе фаолиятини ПСЖда давом эттириши мумкин.
Le10Sport нашри тарқатган хабарга кўра “Лилль” 23 ёшли ивуарлик футболчисини 80 миллион еврога баҳоламоқда. Унинг клуб билан амалдаги шартномаси эса 2022 йилга қадар имзоланган.
Таъкидлаш керакки, Пепе жорий мавсум Франция чемпионатида 37та ўйинда майдонга тушиб, рақиблари дарвозасига 22та гол уришга эришди. У айни дамда ПСЖ форварди Килиан Мбаппедан сўнг мусобақа тўпарарлари рейтингида 2-ўринни эгаллаб турибди.
Ўз навбатида “Лилль” бунгача чемпионатда 2-ўрин масаласини ҳал қилиб улгурди. Энди улар янги мавсумни Чемпионлар лигасини гуруҳ босқичида ўтказишади.
Изоҳлар (0)
Ҳозирча изоҳлар йўқ