ПСЖ жамоани тиз чўктирган рақиб ўйинчисини даҳшатли суммага олади
- 17-июл 2025, 06:34
- Zohir Toshxo’jayev
- 0
- Футбол
ФИФА томонидан янгича форматда ташкил этилган клублар ўртасидаги жаҳон чемпионатининг финалида “Челси” Европа Чемпионлар лигасининг амалдаги ғолиби “Пари Сен-Жермен”ни 3:0 ҳисобида ер тишлатган эди.
Ҳал қилувчи баҳсда англияликлар ҳужумкор футболчиси Коул Палмер иккита гол уришдан ташқари, жамоадоши Жоао Педрога голли пас ҳам узатди.
Бу баҳсдан кейин ПСЖ клуби Коул Палмерни асосий трансфер нишонига айлантирди. Парижликлар жамоани тиз чўктирган 23 ёшли ўйинчини олиш мақсадида трансфер рекордини янгилашга ҳам тайёр.
Fichajes нашрининг маълум қилишича, ПСЖ хўжайинлари клублар ўртасидаги жаҳон чемпионатининг жнг зўр ўйинчиси деб топилган Коул учун “Челси”га 250 миллион евро миқдорида бадал пули таклиф қиладиган бўлди.
Жаҳон футболида амалдаги трансфер рекорди ҳам ПСЖга тегишли. Франция пойтахти шарафини ҳимоя қилаётган клуб 2017 йили “Барселона”дан Неймарни олиш учун 222 миллион евро сарфлаган.