Про лига. “ФарДУ” “ҚМУ Жайхун”ни, “Арал” эса “БухДУ”ни мағлубиятга учратди

Про лиганинг 2-туридан ўрин олган сўнгги иккита учрашув якунланди. 

Биринчи учрашувда Фарғонанинг “ФарДУ” ҳамда “ҚМУ Жайхун” жамоалари тўқнаш келишди ва баҳс фарғоналикларнинг йирик 4:0 ҳисобидаги ғалабаси билан якунланди. “ФарДУ” сафида голларга Нодирбек Каримов, Муроджон Комилов, Санжарбек Зокиров ва Ризо Айвазов муаллифлик қилди. 

Куннинг иккинчи беллашуви “БухДУ” ва “Арал” жамоалари ўртасида бўлиб ўтди. Бу беллашувда қорақалпоқликлар 3:1 ҳисобидаги ғалабани тантана қилди. “Арал” сафида Зулпуқар Куанишбаев дублни расмийлаштирган бўлса, Руслан Қалмағамбетов ўз номига битта гол ёздириб қўйишга эришди. Бухороликларнинг ягона голига эса Суҳроббек Раҳимов муаллифлик қилди.