Про лига. Бугун 5-турнинг сўнгги учта учрашуви бўлиб ўтди

Про лиганинг 5-туридан ўрин олган учта учрашув якунланди. 

Куннинг биринчи беллашуви Қорақалпоғистоннинг “Арал” ҳамда Фарғонанинг “ФарДУ” жамоалари ўртасида бўлиб ўтди ва баҳс қорақалпоқларнинг 2:0 ҳисобидаги ғалабаси билан якунланди. “Арал” сафида голларга Мирзабек Дарябаэв ва Азизбек Баҳрамов муаллифлик қилди. 

Иккинчи учрашувда “Республика ФА” ва Самарқанднинг “Каттақўрғон” жамоалар ўзаро баҳс олиб борди. Бу беллашувда самарқандликлар 1:0 ҳисобидаги ғалабани тантана қилди. Баҳсдаги ягона гол 51-дақиқада Гиорги Пантсулаиа томонидан киритилди.

Турнинг сўнгги баҳсда Бўстонлиқнинг “Ғазалкент” ва Қашқадарёнинг “Лочин” жамоалари куч синашди. Бу беллашувда қашқадарёликлар 2:0 ҳисобида ғалаба қозонишга эришди. “Лочин” сафида голларни Абдувоҳид Охтаев ва Асадбек Самариддинов ўз номига ёздириб қўйди.