Португалия бош мураббийи "ЖЧ-2026"дан сўнг лавозимини тарк этади

Португалия миллий терма жамоаси бош мураббийи Роберто Мартинес Жаҳон чемпионати якунланганидан кейин ўз лавозимини тарк этади.

Журналистлар Бен Жейкобс ва Алекс Крук тарқатган маълумотга кўра, испаниялик мутахассис мундиалдаги натижадан қатъи назар жамоани тарк этишга қарор қилган. Шунингдек, у Португалия футбол федерацияси билан шартномасини узайтирмасликка қарор қилгани таъкидланмоқда.

Манбаларга кўра, Мартинес келажакда Англия Премьер-лигасига қайтиш вариантини кўриб чиқмоқда. Шу билан бирга, у бошқа миллий терма жамоада ишлаш эҳтимолини ҳам истисно этмаган.

Маълумот учун, португалияликлар "ЖЧ-2026"даги илк учрашувини 17 июнь куни ДР Конгога қарши ўтказади.