Погба қачон сафга қайтади?

“Ювентус”нинг франциялик ярим ҳимоячиси Поль Погба яна жароҳат олди. Жамоа устози Массимилиано Аллегрида эса унинг қачон майдонга қайтиши ҳақида ҳеч қандай маълумот йўқ. Аллегрининг сўзларига кўра, Погба узоқроқ муддатга сафдан чиққан.

“Йўқ, Погба халқаро танаффусдан кейин дарҳол сафга қайтади деб ўйламайман. Бу кўпроқ вақт талаб этади”, - деди Аллегри Juvenews.eu нашрига берган интервьюсида.

Эслатиб ўтамиз, “Ювентус” кеча сафарда “Интер” устидан 1:0 ҳисобида ғалаба қозонди. Туринликлар А Сериянинг навбатдаги турида  ўз уйида "Верона"ни қабул қилади. Ушбу баҳс 1 апрель куни бўлиб ўтади.