Погба ниҳоят ўзига жамоа топди
- 22-июн 2025, 23:30
- Zohir Toshxo’jayev
- 0
- Футбол
Франция терма жамоасининг собиқ футболчиси Поль Погба ўзи дуч келган муаммолардан қутилиб, яна яшил майдонга қайтишга ҳаракат қилмоқда.
Маълумки, “Ювентус” ва “Манчестер Юнайтед”да порлаган юлдуз допинг можароси туфайли футболдан четлатилган эди. Дастлаб, Погбага тўрт йиллик дисквалификация қўлланилди. Кейинчалик бу муддат 18 ойга туширилди.
Поль Погба дисквалификация муддатини ўтаб бўлган ва машғулотларни бошлаб юборган. Машҳур футболчи ўзига мос жамоа қидираётган эди.
Таниқли инсайдер Санти Аунанинг маълум қилишича, франциялик ярим ҳимоячи “Монако” билан келишувга эришган. Унга кўра, Франция клуби Погбага икки йиллик шартнома берди.
Поль Погбанинг олдида “Марсель” ва Саудия Арабистонига ўтиш вариантлари ҳам бор эди. Бироқ “Монако” тажрибали ўйинчини кўндиришни уддалаган кўринади.