"Погба ҳали майдонга қайтишга тайёр эмас"

"Монако" бош мураббийи Себастьен Поконьоли жамоа ярим ҳимоячиси Поль Погбанинг дебюти келаси ойдан олдин бўлмаслигини маълум қилди.

32 ёшли футболчи 18 октябрь куни "Анже"га қарши учрашувда (1:1) майдонга тушишни режалаштирган эди, аммо мушакларидаги тортишиш сабаб бу режа амалга ошмади.

Погба сўнгги икки йилдан ортиқ вақт давомида допинг туфайли берилган дисквалификация ва жароҳатлар сабаб футбол ўйнамаган.

Жума куни Поконьолидан янгиликлар ҳақида сўрашганда, у шундай деди:

"У майдонга қайтишга яқин, аммо ҳали бир неча қадам қолган. У ҳали 100 фоиз машғулотларда қатнашмаяпти. Менимча, ҳали бир неча ҳафта керак бўлади".