Петр Ян: "Мераб эркаклар билан жакузига бориши керак"

32 ёшли россиялик жангчи Петр Ян Мераб Двалашвили билан учинчи жанг ўтказилиш таклифига қуйидагича жавоб берди. 

"Трилогиями? Менимча, Мераб ўғил болалар билан яна жакузига бориши ва дам олиши керак. Қолганини кейин ўйлаб кўрамиз", деди янги чемпион.

Ян ва Двалашвили илк бор 2023 йилнинг баҳорида жанг ўтказишган ва ўшанда грузиялик спортчи якдил қарор билан ғалаба қозонган эди. 

Айни дамда россиялик жангчи 20та ғалаба ва 5 та мағлубият қайд этган. Мераб устидан қозонилган ғалаба Ян учун UFCдаги кетма-кет 4- ва фаолиятидаги 12-ғалаба бўлди.