Пети: "Мбаппенинг келиши "Реал" кийиниш хонасидаги муҳитга таъсир қилди"

Франция терма жамоасининг собиқ ярим ҳимоячиси Эммануэль Пети Килиан Мбаппенинг "Реал Мадрид"га ўтиши жамоа ичидаги муҳитга салбий таъсир кўрсатганини таъкидлади.

"Бу фақат Мбаппенинг айби эмас. Аммо унинг келиши "Реал" кийиниш хонасини эгоизм билан тўлдирди. Вақт унга қарши ишлаяпти.

ПСЖ эса жамоа сифатида ўйнай бошлаганидан бери феноменал ўйин кўрсатмоқда. Улар бир қўл бармоқларидек жипс", — деди Пети.

Қайд этилишича, Мбаппе иштирок этган сўнгги тўртта учрашувда мадридликлар ғалаба қозона олмаган.

Жорий мавсумда француз ҳужумчиси барча мусобақаларда 39 та ўйинда иштирок этиб, 40 та гол ва 6 та голли узатмага муаллифлик қилган.