Пэрротт Венгрияга қарши учрашувдан сўнг: "Барча жамоадошларим ўзларидан фахрланиши керак"

Ирландия терма жамоаси ЖЧ-2026 саралаш учрашувида Венгрияни 3:2 ҳисобида мағлуб этди. Ушбу ғалабага Трой Пэрроттнинг хет-триги катта ҳисса қўшди, ғалабага олиб келган голи эса иккинчи бўлимга қўшиб берилган дақиқаларнинг олтинчисида урилди. Бу орқали жамоа гуруҳда иккинчи ўринни эгаллаб, плей-офф учрашувларида иштирок этиш йўлланмасини қўлга киритди.

Ўйиндан сўнг флеш-интервьюда Пэрротт ўз ҳис-туйғуларини яшира олмади:

"Менинг ҳис-туйғуларимни сўзлар ифодалай олмайди. Кечирасиз… Бу бахт кўз ёшлари. Қандай кеча, қандай кеча! Бу ишга ишониш қийин. Ана шу учун биз футболни севамиз.

Мен ўз ватанимни яхши кўраман. Бу мен учун жуда муҳим, оилам шу ерда. Биз ўз имкониятимизни фойдаландик, барча жамоадошларим ўзларидан фахрланиши керак", – деди Пэрротт кўз ёшларини тия олмай.