Перес "Реал"нинг илк трансферини маълум қилди

Мадриднинг "Реал" клуби президенти Флорентино Перес 7 июнь куни бўлиб ўтадиган сайловларда ғалаба қозонган тақдирда жамоага келадиган илк футболчи номини очиқлади.

Унинг таъкидлашича, Франция терма жамоаси ва "Ливерпуль"нинг собиқ ҳимоячиси Ибраима Конате эркин агент сифатида "Реал" сафига қўшилади.

"Агар мен клуб президенти сифатида қолсам, дунёнинг энг яхши ҳимоячиларидан бири Конате келаси мавсумдан жамоада тўп суради. У ягона трансфер бўлмайди", — деди Перес.

Маълумот учун, Перес ўз лавозимида қолса, Жозе Моуриньо "қаймоқранглилар" бош мураббийи бўлиши ҳақида хабарлар тарқалган эди