Пэдди Пимблетт: "Яхшиямки, Ислом Махачев энди бизнинг дивизионда эмас"

Енгил вазн тоифасида UFC рейтингининг бешинчи ўрнини эгаллаб турган Пэдди Пимблетт россиялик Ислом Махачевнинг ярим ўрта вазнга ўтганидан хурсанд.

"Махачев ва Гарри тўқнашуви худди мен ҳамда Жастин Гэтжи жангига ўхшаб кетди. Яъни амалда ҳам, очколар бўйича ҳам россиялик устунликка эришди.

Яхшиямки, Ислом энди бизнинг дивизионда эмас. У бор жойда камарни қўлга киритиш жуда қийин. Чунки у дунёдаги энг зўр ММА усталаридан бири", – деди Пимблетт.

Эслатиб ўтамиз, бир ҳафта аввал Ислом Махачев ирландиялик Иан Гаррини ҳакамларнинг якдил қарори билан мағлуб этганди.