Пэдди Пимблетт: "Арман Царукянга ҳамма нарса тайёр ҳолда келган, у нонуштада икки минг долларлик икра ейди"

Анлиялик UFC жангчиси Пэдди Пимблетт эҳтимолий рақиблари ҳақида гапирди.

"Контрактга кимнинг исми ёзилса, ўша билан октагонга чиқаман. Бу Арман бўладими, Илиями, Чарльзми ёки Жастин – умуман фарқи йўқ. Ҳозирча қўлимда имзоланган шартнома йўқ, лекин мамнуният билан Топурияга қарши жанг қилардим. Уни шундай мағлуб этайки, қайтиб енгил вазнга кўтарилмасин. Ростини айтсам, "Матадор"ни ҳурмат қиламан, лекин Царукянни эмас. Унга ҳамма нарса тайёр ҳолда келган, нонуштада икки минг долларлик икра ейди. У оддийгина бой бола", — деди Пэдди .

Эслатиб ўтамиз, Пимблэтт "UFC 329" турнирида Бенуа-Сен Денини 1 раунддаёқ сабмишн орқали таслим этганди.