"Пахтакор" легионер ҳужумчи билан шартнома имзолади

Пётр Паржишек - "Пахтакор" футболчиси!

"Шерлар" польшалик ҳужумчи билан шартнома имзолади. 32 ёшли футболчининг охирги жамоаси Финляндиянинг "КуПС" бўлганди. У эркин агент сифатида тошкентликлар сафига келиб қўшилди. Паржишек фаолияти давомида Голландиянинг "Де Граафсхап", "Зволле", "Эммен", Англиянинг "Чарльтон", Бельгиянинг "Сент Труйден", "Моленбеек", Даниянинг "Рандерс", Польшанинг "Пиаст", "Погон", Италиянинг "Фрозиноне", Испаниянинг "Леганес" клубларида ҳам ўйнаган. Польша ва Финляндия чемпионатларида "Пиаст" ҳамда "КуПС" клублари билан ғолиб бўлган.

Ҳужумчи собиқ жамоаси сафидаги сўнгги голини УЕФА Конференциялар лигасининг сўнгги турида сафарда "Кристал Пэлас" дарвозасига киритганди.