"Пахтакор" Чемпионлар лигасида сенсация кўтарди
- 15-сентябр, 07:29
- Zohir Toshxo’jayev
- 0
- Футбол
«Пахтакор» сафарда кутилмаган натижа қайд этди — жамоа Жидда шаҳрида Саудия Арабистонининг кучли клубларидан бири ҳисобланган «Ал-Аҳли»га қарши ўйинда дурангга эришди. Бу учрашув ОФК Элит Чемпионлар Лигаси асосий босқичи биринчи туридан ўрин олган эди.
Кучли рақиб майдонида кечган беллашув 1:1 ҳисоби билан якунланди. Учрашув олдидан «Ал-Аҳли» аниқ фаворит сифатида кўрилганди. Шунга қарамай, «Пахтакор» охирги дақиқаларгача ғалабага яқин келди. 86-дақиқада Фламарионнинг аниқ зарбаси Тошкент клубини ҳисобда олдинга олиб чиқди.
Ўйиннинг 93-дақиқасигача «Пахтакор» ҳисобда етакчилик қилди. Бироқ қўшимча дақиқаларда майдон эгалари ҳисобни тенглаштиришга муваффақ бўлишди — «Ал-Аҳли» сафида Фирас ал-Бурайкан гол муаллифига айланди.
Шу тариқа, Осиё Чемпионлар Лигаси Элит босқичи старт туридан сўнг «Пахтакор» ҳам, «Ал-Аҳли» ҳам бир очкодан қўлга киритди. Кейинги турда Ўзбекистон клуби яна бир саудиялик жамоа — «Ал-Қадисия»га қарши майдонга тушади. «Ал-Аҳли» эса БАА клуби «Ал-Васл» билан куч синашади.
Ҳусановни бошқа клубга тавсия қилишди!
"Нефтчи" Чемпионлар лигасидаги битта ғалаба учун қанча олди?
Сизлар билан фахрланаман! Машҳур юлдуз Жерар Пике ўзбек спортчисига мурожаат қилди