“Париж-2024”: Бугун қайси спортчиларимиз қайси пайт баҳсга киришади?

Париж шаҳрида давом этаётган  Олимпия ўйинларининг навбатдаги кунида яна бир неча спортчиларимиз беллашувларга киришади.

28 июлга белгиланган дастурда қуйидаги олимпиячиларимизга мухлислик қиламиз.

Тошкент вақти билан соат 13:00 да дзюлчиларимиздан Сардор Нуруллаев ва Диёра Келдиёрова Олимпиада медаллари учун юришини бошлайди.

Соат 15:00 да академик эшкак эшиш бўйича жуфтлик беллашувларида Шаҳзод Нурматов ҳамда Собир Сафаралиев стартга чиқади.

Соат 17:00 да бокс бўйича жаҳон чемпионати совриндори Лазизбек Мулложонов Олимпия ўйинларидаги юришини бошлайди.

Барча спортчиларимизга муваффақият тилаймиз!